日日戴住個口罩，焗！死！人！啦！！！！！
想搵啲活動釋放下負能量，相信各位親親大自然嘅機會都多咗，
雖然小編自問都唔係行山專家(つд⊂) 不過行山行得多 少不免都有研究下裝備，提升下自己先可以再行更遠的路！
正所謂工欲善其事 必先利其器，今日帶大家一齊睇下行山首當其衝需要嘅鞋 要點揀~
買鞋入手買得抵 5大要點要先睇
高筒/低筒：
高筒可以保護穩定雙腳，同時可以預防喺凹凸嘅山路上行走而扭傷足踝，但高筒鞋底普遍相對重身。
而低筒靈活性較強同時鞋款會有比較多選擇。
鞋底部分：
為咗行山時 唔好咁跣腳、有抓地力，鞋底有坑紋（狗牙）係必須的！香港山路多為沙石地 需要有約3-5mm嘅防跣腳鞋釘，可以嘅話配有「中底」會更好，點解呢？
「中底」一般係跑鞋或者越野跑必備嘅一部分，有埋中底踩落地時，鞋底會相對腍身，有利於穩定性、緩衝和回彈。
畢竟行山都需要起碼3、4個鐘，雖然唔使用到跑但都需要錫住對腳，若果唔係第二日肌肉都痛埋_(:3 」∠ )_
鞋重量：
行山鞋為咗追求強保護性，一般都比較厚實。
所以喺揀鞋嘅時候都需要留意返對鞋重量，唔好增加負擔！普遍聽聞 350g 之內就最適合 ﾟ∀ﾟ) ﾉ
鞋頭：
鞋頭部位需要有加強耐用嘅橡膠保護設計，就算踢到石頭或者跣腳都唔怕太傷！
防水性：
建議可以選擇返一般中度嘅防水性鞋面，一來避免太焗腳、唔透氣 但又易於清潔。
大家有時都會留意到有 Gore-Tex 標籤，Gore-Tex 係用途最廣泛嘅民用防水物料，佢有比水分子更微細嘅疏氣孔，既可阻擋外來水分，亦具備透氣功能，令腳部無咁易焗。
不過其實防水物料難免因年月使用、一年半載就失去防水效能，性能程度高的話相對價錢會更貴，所以小編建議可以唔洗投放太多財力喺呢方面～
提議返大家落雨、山路濕滑就唔好去行山啦，慳住荷包嘅同時都護住生命安全。
小編私心推 行完山飲肥仔水
▲小編新手上路就係著呢款 New Balance Fresh Foam X HIERRO v6，香港入手價格 HKD$9xx，屬於跑山鞋，外型冇傳統行山鞋咁笨重，接近日常波鞋款啲 唔行山嘅時候都著到出街好襯啲～
https://www.newbalance.com/fresh-foam-hierro/
▲ 近來崛起嘅大熱跑鞋品牌 HOKA ONE ONE SPEEDGOAT 4，中底採用咗新型輕質泡沫材料，兼備透氣同舒適度，預算比較充裕嘅朋友仔可以考慮下～
https://www.hokaoneone.com/mens-trail/speedgoat-4/1106525.html?dwvar_1106525_color=FPBL
延伸閱讀：大家未睇我地嘅HOKA ONE ONE介紹嘅話就快啲click入睇下~
▷https://bit.ly/2Qsdb0Y◁
▲ 具備輕巧、防水同保護性嘅Salomon Speedcross 4，不過大家普遍評價Salomon喺濕滑路途嘅表現唔太理想，可能都係好天先著會好啲(｡ŏ_ŏ)
https://www.salomon.com/en-int/shop-int/catalogsearch/result/?q=Speedcross+4
如果想買上述款式，或者香港揀唔到心儀嘅款式，想喺外國網站入手，都可以搵我地代購(๑•̀ㅂ•́)و✧ 歐美、日韓、澳洲、台灣都買得到！
https://www.gtm.hk/websiteordering/
裝備固然重要，但不論係行山定郊遊 都需要做足準備，搵定路線帶齊裝備、了解難度星數，衡量天氣因素同結伴而行，量力而為，最緊要係安全至上呀！
