疫情至今都差不多1年時間，由以前大吉利事病咗時先戴，到今時今日為人為己點都要戴。口罩成為咗每個人出街嘅衣物咁，你可以唔著衫但唔可以唔帶口罩！！
其中日本口罩向來搶手，標榜快適嘅更係成日搶到斷市，價格由初期高位千幾蚊 到而家百幾蚊好似股市咁。
相信有關注開我地嘅大家，對今次開團嘅日本白元牌口罩一啲都唔陌生，疫情開始時我地都曾經開過，但今次多咗個新款(標準型)可供選擇！但到底新舊款式又有咩分別呢？返咗貨就梗係同大家驗收一下啦~
舊款(清爽型) vs 新款(標準型)
溫馨提示 : 以下實測嘅尺寸係細碼small size
Regular – 90 x 165 mm
Small – 90 x 145 mm
新款舊款都係三層設計，中層係特殊靜電 Filter 防止 99% 飛沫、花粉、PM 2.5。中國製造。
但其中一啲細節就做咗唔少更改，一齊嚟睇下~
未拆先睇
▲ 包裝上已經有明顯分別，上方嘅新款轉啡色簡約設計，但個紙盒就同舊款一樣，都係咁脆弱 (｡ŏ_ŏ)
▲ 下方舊款係一盒2大包 一共60個，上方新款就係一盒1大包40個
▲ 雖然紙盒未必咁耐用，不過兩版入面都仲有包裝袋，袋中間有個虛線位可以撕開，就可以好方便喺袋內拎到口罩~
做口罩最緊要係內涵
▲ 外表一如以往地簡潔，兩個版本口罩表層質感一樣
▲ 而家口罩一戴就用半日一日，掛耳繩嘅舒適度都相當重要！比較掛耳綿繩，兩款都好舒服，而上方新款似乎會比下方舊款更柔軟舒適
▲ 口罩內層用嘅物料有明顯分別，上方新款用咗類似不織布嘅物料，下方舊款係類似較滑身無塵紙嘅物料
（頭盔利申：小編主觀感覺，並非專業研究過(๑´ㅂ`๑)）
▲ 近鏡睇真啲清晰啲，小編覺得其實兩款厚薄同透氣度差不多，但內層用料有明顯嘅不同，下方舊款明顯挺身啲 感覺上比較高質，上方新款棉質更柔軟，戴上面嘅質感會比一般香港製造嘅口罩親膚感更好 幾舒服～
小編主觀用後感
新版掛耳都幾舒服，戴一日都冇覺得痕，內層不織布嘅物料亦比較柔軟，親膚感都舒服嘅。
不過小編都係會揀返舊款(清爽型)，因為內層相對挺身啲 唔會太貼面，加上內層質地比較適合小編嘅敏感肌~
不過鹹魚青菜 各有所愛，大家都係買盒日本白元牌口罩返屋企 親身試一試就最真！
日本白元牌口罩 | $24 – $90
https://www.gtm.hk/shop/hakugen-mask/